Am Rhein - Monnemer Platt
4Bilder
- hochgeladen von Paul Scharrenbroich
Tösche Heelerbersch un dr Kapell
Janz ejal, wat mir et Läve brängk,
ov esch löstech ben oder trure,
ov esch mesch jefraut han oder jezänk:
esch muss an dr Rhing un „ens lure“.
Dann loof esch om Damm esu fähn wie et jeht,
oder setz mesch stell op en Bank,
verzäll en Jedanke däm Rhing Freud un Leed,
wat mesch jlöcklech maht oder krank.
Esch sinn de Welle un Wolke su jonn
un wähd räuhich wann esch mir üvverläje:
wat hant se däm Rhing nit all anjedonn,
un hä jeht trotzdäm singe Wäje.
E Stöndche am Rhing hölp op alle Fäll,
wann nit, dann zwei oder drei –
tösche Heelerbersch un dr Kapell
kütt bal alles op de Reih.
Autor:Paul Scharrenbroich aus Monheim am Rhein |
6 Kommentare
Sie möchten kommentieren?
Sie möchten zur Diskussion beitragen? Melden Sie sich an, um Kommentare zu verfassen.