Am Kreppsche en Monnem am Rhing

Wo: Sankt Gereon, Bleer Str., 40789 Monheim auf Karte anzeigen

Am Kreppsche

Schätzje, wöhsch du doch bei us en Monnem,
Leevje, wöhsch du doch am Rhing jebore,
hätts zeläve nit op Strüh jeläje,
hätts op Daunekösse desch jerekelt.

Köms op kenne Fall em Stall ze lijje,
doför ha’mr doch et Kengerzemmer
dr Pastur köm ständesch noh dir lure
un dit desch un och ding Mamm veriehre.

Kengk, wat hätte mir desch opkladunjert,
met ner staatse Streckmötz op däm Köppsche,
hellblau Wöbscher van eeschtbeste Marke,
met lang Stuche un met bongkte Schlöppscher.

Söckscher hätts de selvsjestreckte kräje.
Ledderschöhnscher för die kleene Föhßjer,
passend en dr Färv zom Bötzje…
Kengk, wat hätte mir desch opkladunjert.

Kengk, wat hätte mir desch opjepäppelt!
Fröh em Dau Kurentheplatz met Honnisch,
joode Botter, Lävverwoosch op Schieve,
un des Meddaachs Rengkfleeschzupp met Bällscher.

Sure Brode, Bloomekühl met Höönsche ,
Panhas, Flönz, boochweeße Pannekooche,
un drzo jet lecker Kölsch vam Fässje –
Jong, wat hätte mir desch opjepäppelt.

Un mir wollten desch van Häzze jähn han,
wören all op eemol fromm jewode,
rötschden op de Kneen för desch ze iehre,
leefen us de Hacken avv bei desch.

Kenner wöhd dr anger mieh betuppe.
Kenner schmess mieh Avfall en de Jäjend –
Wöhsch du, Schätzje, doch bei us en Monnem,
wöhsch du, Leevje, doch am Rhing jebore.

Diskussion schließen

Hinweis: Der Autor wird vom System benachrichtigt

Karte einbetten

Abbrechen

Video einbetten

Es können nur einzelne Videos der jeweiligen Plattformen eingebunden werden, nicht jedoch Playlists, Streams oder Übersichtsseiten.

Abbrechen

Social-Media Link einfügen

Es können nur einzelne Beiträge der jeweiligen Plattformen eingebunden werden, nicht jedoch Übersichtsseiten.

Abbrechen