Monnemer Platt

Et Mährsche vam Mann em Mond v. Ludwig Bechstein Vür lange lange Johre jingk ens ne Kähl am hellije Sonndaachmorje en dr Bösch, schlooch sesch nen öhntlijjen Püngel Holz zeräht, mahden dodrus e staats Jedrach, stooch nen Steck drdursch un hovv sesch dat Brennholz op dr Puckel un jingk domet op Heem an. Do trof hä nen netten jungen Här em Sonndaachsstoht, dä wor wal ungerwäjes noh dr Huhmess, blevv ävver stonn und sprooch met däm Holzdräjer: „Saach, weeß du nit, dat mr hück Sonndaach hant, dr...

Wie dr Has un dr Ijel öm de Wett jeloofe sin E Mährsche vam Ludwig Bechstein Jonges, dä Verzäll höht sesch an wie jelore, stemmb ävver trotzdäm. Mingen Opa sähden jedesmol, wann hä dovan verzohl: „Wann et nit stemmbden, künnt mr et jo nit verzälle,“ un vam Opa han esch och dä Berisch. An nem Sonndaachmorjen em Hervs, dr Boochweeß wor am Blöhe, et joldije Sönnsche blänkden am Himmel, et jingk wal och e bessje Wengk, de Vüjl trebellierden, de Bienscher woren em Feild ungerwäjes un de Lück leefen...

Vam Müsje, vam Vüjjelsche un dr Brotwoosch van de Bröder Grimm E Müsje, e Vüjjelsche un en Brotwoosch hatten sesch ens zesamme jedonn und nen Hushalt enjerisch, lang jlöcklesch un zefridden meteneen jeläv und et och alt zo jet jebräht. Se hatten sesch de Ärbed enjedeelt: Et Vüjjelsche floch jede Morje en dr Bösch un schleefden Holz bei de Bahn, et Müsje wor för et Wasser zoständisch, dit dr Ovven anstoche un dr Dösch decke, un de Brotwoosch mahden dr Koch. Ävver wäm et ze jood jeht, dä wöhd...

Dokter Alleswesser Mährsche van de Bröder Grimm Ne Buur, dä sesch Krebs schrevv. stivvelden met zwei Öhß en Fuhr Holz en de Stadt un livverden se för zwei Daler an nen Dokter. Wie hä usbezahld wohd, wor dr Dokter jrad am Esse, un dr Buur soch, wat do jebodde wohd, un do wör hä och jähn nen Dokter jewäse. Su blevv hä noch jet un trot eröm wie e nass Hoon un frochden am Eng, ov hä nit och nen Dokter wähde künnd. – „Sescher dat,“ wor de Antwoht, „kee Problem.“ – „Un wat muss esch dunn?“ – „Als...

Dr fuule Drickes Mährsche van de Bröder Grimm Dr Drickes wor fuul, hä kühmden jottweeßnit wie, wann hä ovends heemkom, un hadden doch dr janzen Daach nix jedonn, wie singer Hipp beim Fresse zojelurt. „Esch han jet an de Jäng,“ säht hä dann döckes, „“su jeht dat Daach för Daach, immer de Oore ophale, dat dat Veeh nix Verkehdes friss, nirjes üvver dr Zung höpp un angerlücks Jade opmisch, oder wa’müjjelesch noch avhäut. Wie sall dr Minsch do zor Rauh kumme un e bessje Spass han?“ Döckes soß hä do...

Opas un Enkelscher Märchen van de Brüder Grimm Do wor ens nen steenahlen Ühm, dä nit mit jood sinn kunnd, de Uhre dööschden nit mieh vill un hä wor och ärsch waggelisch en de Kneen. Beim Esse met dr Famillisch kom et alt ens vür, dat hä jet van dr Zupp op et Döschdooch schlabberten, oder dat hä e paar Droppe widder us dr Muul seeverden. Singe Älste un däm sing Frau woren fies dofür. Drömswelle kreesch dr Opa si Esse op dr Ovvebank en nem ähde Bährsche jereck, halv voll, dat hä nit zevill...

Dr Fuss un de Jäus Mährsche van de Bröder Grimm Ne Fuss kom ens op en Weed, wo en Hähd van staatse fette Jäus sohß. Dat jefeel ihm, hä lachden un sähd :“Hieh kumm esch jo wie jerofe. Ür setzd esu nett beieneen, su kann esch een noh dr angere verkasematuckele“ Die Jäus wohden verschreck, kritten et met dr Angs ze dunn un beddelden öm ihr Läve. Dr Meester Reineke ävver lehd sesch en dr Nacke kalle. „Nix do, ür wähd jefresse un domet hät et sesch!“ Schliesslesch nohm een van dänne Jäus alle Moot...

Rudmötzje E Mährsche van de Grimms Et wor ens e lecker Püütsche, wat se all jähn hatten, vör allem ävver sing Omma, die jarnit woss, wat se däm Kleen alles dunn sollden. Eemol schenkden se ihm e rud Mötzje van Sammet, dat hadden et su jähn, dat et et nit mieh usdunn wolld, un weil et ihm su joot stungk, reefen alle Lück dat Kengk nur noch „et RUDMÖTZJE.“ Eenes Daachs säht de Mamm:“ Rudmötzje, kumm loof ens bei de Omma un bräng där e Stöck Taat un e Fläschje Wing. Dat hölp ihr op de Been, se ess...

Künning Hippebaht E Mährsche van de Bröder Grimm Dr Künning hadden en Dochter, schön wie dr Sonnesching, ävver et rähnden ihr enn de Nas, su stolz wie se wor. Drömswelle wor ihr och kenne Freier joot jenuch, eene nohm angere kreesch e Körvje, un för Zojov wohd hä dann och noch för domm verkoof. Eemol jov dr Künning en jruße Jesellschaff un lod alle Kähls van üvverall enn, die för sing Dochter enfroch kome. Se stallden sesch dr Reih noh op, eesch de Künninge, de Prinze, dann de Herzöje, de...

Dr Spillmann en Monnem (zur Margarethen –Melodie) Wann Monnemer dunt fiere, dann kütt ne Minsch ze Iehre, dä damols, vür vierhundert Johr op jeder Kirmes wor. Wann Mädcher un ir Jonge jedanz hant un jesonge , hät hä sech an de Spetz jesatz un Vijelin jekratz. Jong, wat soch mr do de Röckcher fleeje, jruße Spröng dit manches Päärche zeeje, bes dat alles henger Odems wor, su spillden hä und danzden se un un dat su manches Johr. Su’n Orjie schätz nit jeder, dröm hant e paar fromme Bröder – su...

De Bremer Stadtmusekante E Mährsche van de Bröder Grimm Et hadden ens ne Mann nen Äsel, dä zigg Johre die schwore Säck noh dr Müll jeschleef hadden, dä ävver jitz en de Johre kom, sing Kraff leet noh un hä wor för die Ärbeed nit mieh ze bruche. Dr Här üvverlähden, ihn avzeschaffe, ävver dä Äsel spurd, wo et hin jonn sollden un dit sesch drdursch. Hä wolld noh Bremen, för do dr Stadtmusekant ze spille. Op singem Wäje soch hä nen Hongk lijje, dä van Mödischkeet jappden.“Wat lijjs du hieh eröm,...

Dr Kradekünning oder dr Drickes van Stohl un Ieser Enn ahle Zigge wor ens nen Künning, däm sing Döschter woren all staats, ävver de jüngste wor esu schön, dat sujar et Sönnsche, wat sesch doch domet uskannd, avjünstesch in ihr Jeseesch lurden. Enn dr Nöhde vam Schloss wor ne jruße düstere Bösch, un dodrenn, unger nem ahle Lindeboom ne Pötz. Wor et Wedder heeß, dann spillden de Prinzessin jähn em Bösch an däm Brunne, schmess en jolde Kurel enn de Loot un schnappden se widder – dat Spillsche hatt...

Kengk vam Rhing Wat fengen de Lück bloß su schön am Rhing wo die Trümmere all stonn‘, wat muss ene usjewahßene Minsch zefoß op dr Drachefels jonn? Am beste jefällt mr dr Rhing hie bei us, tösche Wigge un Belse un Jrass, su löstech wie op dr Nüdsteens Mur es et nit en dr Drosseljass, am Wäthhus, wo mr sech an de Botz manch jröne Flecke jehollt, om Damm, wo mr met de Fründe jeschwadt, wie et spöder ens wähde sollt, em Loch, wo mr en dr Summernäht Hand en Hand durch et Für jespronge, un op dr...

Sozusagen grundlos vergnügt heesch dat wunderbare Jedich van Mascha Kaleko, dat mr eejentlich alle Minsche jede Morje bei de Zeitung läje möht. För minge Monnemer Anspruch han ich mr dat üvversetz un dann heesch dat Fruh ohne Jrongk Esch freu mesch, dat do bovven Wölkcher trecke, un dat et hagelt, fiselt, schneit un rähnt, un och, dat mir et Fröhjohrsjröns bejähnt, met Primelcher un Strüsch un Hecke. dat Krohne jrohne und dat Mähle flöte, dat Möcke jöcke un dat Tulpe löhte, dat et neu Kleedcher...

För dr "Muttertag" Et kleene Annche kom van dr Stroß un leef bei de Mamm en de Köch, die jrad bem Äpelschälle soß, un et satz sech op dr Dösch. Et freimbten un dröckden jet eröm un de Mamm wor alt jespannt, wat jitz widder för e Stöckche köm, ävver dat hatt se nit jekannt: "Ech jonn bereets op de drückzehn an, un alle Pänz, die ech kenne, die fangen jitz ir Eldere an bem Vürname ze nenne. Mir saren Heinz-Peter för dr Kaplon för de Liehrerin Wilhelmine, un wann ech en de Reithall jonn heesch de...

Mai Met volle Häng us üvvervolle Täsche verschenk dr Mai wat wähß un jrönt un blöht, et bletz un blänk de Welt wie fresch jewäsche, un manchereene deht dr Haver steche, dän sös em Johr et Rheuma stechen deht. Wer jitz alleen es, bruch et nit ze blieve, dr Mai es voll van Leeder un van Wöht, dat es de Zigg för e Jedich ze schrieve, un et es doch för jeder ze bejriefe, wann eenem dat zöm Schlarertex jeröt. De Welt es voller Jlöck, wie Operette, un alles es su bongk un rüch su joot, met all dä...

Paul Scharrenbroich aus Monheim hat ein Faible für die Mundart. Ob als Parodie oder in der Übertragung von Texten op Platt - für "Monnemer Platt" ist Paul stets zu haben. In Monheim am Rhein fühlt er sich heimisch, und mit seiner Hündin geht er im Umkreis gerne wandern. Im Prinzip fehlt ihm nur noch ein Lottogewinn... Stellen Sie sich kurz vor: Wer sind Sie? Mein Name ist Paul Scharrenbroich, ich bin 75 Jahre alt und war als Industriekaufmann über 40 Jahre in der Tapetenbranche tätig. In bin...