Monnemer Platt

Pädsverzäll Mancheener van us hät se noch jekannt, die Pähd, die dr Bur em Mähz enjespannt. Em Wengkter do hatten se sech jefläch, jitz wohd jeplööch un jebloch un jeäch. Su hätt et jejange vör langer Zigg, janz angesch jeht et om Land doch hück: hückzedaachs kütt van fröher dä Bur eesch em April van Mallorca retour. Dr Papp, dä dr Kappes selver trick, dä maht et noch wie en ahler Zigg, un es koom emstand, et avzewahde: an Jertrud jeht de Schöpp en dr Jade.

Fröhjohr Theodor Fontane op Monnemer Platt Jitz ess et endlesch doch zejang met Färve un vill Jröns, de Bööm die wossden et alt lang; „Et maht nur eesch jet Jedöns.“ Se läven dr iewijje Jurenddroom, de Kraff platz us inne erus, noch wehrt sesch dä ahle Appelboom - et hölp im nix, hä muss. Su jeht et och däm ahle Häzz, et ess fruh, ävver‘t denk och dobei, „de Jurend hät kenn Rauh em Stätz – et ess doch lang noch nit Mai.“ Häzz, trenn desch van dingem bange Droom, verjess de Wengkterkäld. Mach et...

März Et Sönnche wor noch jet malad, et moht sesch am Ovve wärme, jitz schmieß et sesch en dr Sonndaachsstaat un fängk an, uszeschwärme. De Äpel sin alt vürjekiemb, se wahden jitz op et Planze, un dr Kommis em Büro riemb un drömb sesch de eeschte Romanze. Immer noch lit op dr Bleech e drecklisch Höfje Schnei, drömeröm manch spillrich Hälmche zeesch ävver doch op April un Mai. Holl dr jitz us däm Kleederschaff alt ens flögg de Fröhjohrsplünne, ävver halt em Ooch, wat för en Kraff de Mähzebiese...

Prosit Neujahr..... - Ze Neujohr - nach Wilhelm Busch Häs‘ de Jlöck, dann nemm et an süsch et an als Säje, dank doför un freu desch dran ohne Üvverläje. Nemm dr alles als Jeschenk wat sesch mache löht - lur, wodran die Häzzje hängk – dat et dr jeröt.

Prosit 2015 Prosit Neujohr van Hus ze Hus, un dat alles su kütt, wie mr hoff Kutt jood erenn un widder erus – Jood Rosh un mazel tov. Zum Jahreswechsel allen Lesern und allen im LK aktiven Mitmenschen die besten Wünsche und liebe Grüße aus Monheim am Rhein

Minge Wunsch zöm Neujohr E bessje mieh Fridde un jet winnijer Knies, E bessje mieh nett un jet winnijer fies, E bessje mieh Leev un jet winnijer Zoff Un jet winnijer Leeje – dat wünsch mr sesch off. Statt däm Hamsterrad mieh Zigg för ze reste Statt bloß för desch för se all nur et beste, statt Ängs un Zidder mieh Jottvertraue un öhntlesch Kraff en Häzz un de Maue. Kenne Drövsenn un doför e bessje Leht Kenne Jieper op Krom, ohne dän et och jeht. Un ärmswies Blomestrüß, sulang mr kann – O’m...

Töschen de Johre - Blues Et Johr löht avjeschlaff de Flöjel hange, dir jeht es och su, - du bess fix un p’rat, de Fierdaach hant desch satt jemaht, et luhnd sesch nit, jitz Brassel anzefange. Die Daach sin su, wie se alt immer wore, du fängs nix Neues an - och diesmol nit, weil jruß Jedöns un Ärbed Unjlöck jütt, su heesch et doch, jitz zweschen de Johre. Dunn ens de letzte Monde reflektiere, du häs nen Hoofe Läve fottjerühmb, häs vill jedonn – un noch vill mieh versümb, un kenne Jrongk för ze...

Lasst uns lauschen.... Höhsch, sid stell, ihr hellije Engel, räuhesch ihr Tröte, Jeije un Flöte, doht met ürem Spille ens puse, Blömscher, doht dufte, Stähnscher, doht löhte. Lustert all, sid stell, ihr Pute, lurt, wie sillisch et schlöf, dat Kengk. Höhsch, sid stell, ihr hellije Engel, die ihr em ieskahle Schobbe doht schwärme, ihr wesst nüx van Fross un Äleng, kutt, doht et weeje, kutt, doht et wärme. Lustert all, sid stell, ihr Pute, lurt, wie sillisch et schlöf, dat Kengk. Höhsch, sid...

Stille Nacht - bes halver Drei Op dr letzte Stip moht noch dr Boom besorsch wähde. Üvverläht un tispetierd hatte mr dat alt Woche vürher, ov jruß oder kleen, met oder ohne Wohzele, Edel Blau- oder Nordmanntanne, vam Maht, vam Föhschter oder van de Chress-bohmschmücker - alles wor klor, nur - jitz wor Hellije Ovend, Veedel vür Een Uhr meddaachs, jitz holp kee Mulspetze mieh, jitz moht jeflöt' wähde. Em Jalopp noh Sankt Ursela, wo de Jonge alt am Zesammerühme wore, ävver - Jottseidank - drei oder...

An de Mutter Wat mir hück su jenööschlisch fiere met Kreppsche un met Tänneboom, us - wärm un drüsch - joot amesiere - för desch wor't wie ne schlemme Droom. Du mohts, weil et dr Kaiser wollden, huhschwanger en de Wallachei, dat sesch de Schreff erfölle sollden, wat wor dat för en Plackerei. Wer ens em Läve op dr Drachefels om Äsel es eropjeredde, weeß - och wann du nit kühme wells, wat du bes Bethlehem jeledde. Dr Josef fong kenn Ungerkunf trotz Vatterstadt un trotz Verwandschaff, dröm mahts...

Süßer die Glocken nie klingen Höhsch de de Jlocke, se lügge angesch wie sös üvver't Johr, su, wie en sillije Zigge et en dr Chressdaachszigg wor. Wie dr Advent us zor Iewischkeet wohd, bes en dr Chressnäht et Lügge mr hoht - 't mahden us jlöcklesch un rich - met alle Jlocke zejlich. Jo, wenn de Jlocke us rofe, stellt e Jeföhl sesch bal en, dat jüt et nirjes ze kofe, dat jüt däm Fess singe Senn. Et wör kee Wunder, wann mr se jitz tröf: Schöfer un Hirte, Ohß, Äsel un Schöf, damols vam Engel...

Mit dem schuldigen Respekt ans Denkmal geheftet Ode an die Freude v. Schiller Dr Jötterfunke Loß mr hück de Freud besenge die dr Himmel us jeschenk, die mr koom alleen wehd fenge, die dr Minsch zöm Minsche drängk. Strigg un Zoff verjiss bal jeder wo de Freud zejäjen ess, alle Lück sin Schwestere, Bröder un dr Fridden ess jewess. Alle Minsche künnt esch dröcke, bütze, wer mr jrad bejähnt. Lück, dr Här hät us jesähnt, freut ösch, alles wehd us jlöcke.. Wer van sesch kann selver sare dat hä Fründ...

Koppingsverzäll „Här Proviser, saht ens jet: Wat deet mr, wann mr Kopping hät?” “Ja, Jong, dat ess nit för ze laache, dat kann dr dr Daach zöm Düstere maache. Dat ess et Schlemmste, wat et jüt? - Sach, bess du hieh us usem Beritt? „Esch ben Schweizer hieh om Laacher Hoff ,- die Kopping sin koom uszehale .. därzigg sin se besonders jrovv.“ – „Kumm, setz desch derr, - jau, dat sin Quale. Su, jitz maach ens de Oore zo, domet et wirk bes Ultimo. Wat de jitz nur ze maache bruchs, ess, dat de hieh am...

För de Rusekranzandaach Maria, Künnijin dr Welt mach dingen Mantel us zöm Zelt, dat wärme us un schötze deht domet er’r kennt verlore jeht, un kenner kütt ze Schade. Maria voll dr Jnade. Op dinge Mantel is Verloß, dä jruß is üvver jedes Moß, hä jütt ding Kenger Sicherheet, un wer sich drunger stellen deht, is häzzlich enjelade, Maria voll dr Jnade. Maria, schötz bei Daach un Näht ding Minschenskenger op dr Ähd, van Häzze wöhd dir Dank jesäht, un wann et letzte Stöndche schläht, dunn bovven op...

Oktober Bevür et Johr op et Ahledeel jeht, deht es sech noch ens präsentiere un met allem, wat et an Färve hät, dr decke Wellem markiere. Lurt ens em Bösch op jede Boom, belurt se öch all zesamme, su en Staat jütt et em Fernsehe koom en alle hundert Projramme. För all die Prach und Herrlichkeet, för die Koss för Oore und Mare, för alles, wat blöhe un schmüjje deht, heesch et jitz, ens Dank ze sare. HÄR, bes bedank för all ding Jnad, die jruß es üvver de Moße, dunn alle Minschenskenger jrad su...

Eduard Mörike wurde vor 210 Jahren geboren von ihm stammen folgende Verse; Herr, schicke, was du willst, Ein Liebes oder Leides! Ich bin vergnügt, daß beides Aus deinen Händen quillt. Wolltest Du mit Freuden Und wolltest mit Leiden mich nicht überschütten! Doch in der Mitten Liegt holdes Bescheiden. ..und so gehts auf Ripuarisch Här, wat ding Hand mir jüt. ov wölle oder sigge, hück un zo alle Zigge, ech nemm et, wie et kütt. Sunnije Daach un och sure met Laache un met Trure, halt du se för mech...

Nähtswäschter 4 Besten Dank, Herrn von Dingelstedt Dr Nähtswäschter hät jenausu e Häzz wie nen Här em Salon bei de Fraue, och hä hät em Fröhjohr kenn Rauh em Stääz, wann om Daach de Katze miaue. Jonn esch vam Stina fott enn dr Deens, ess dat su enfach nit, wie du meens, dann wünsch esch döckes, esch wör Frisör… Jo, wann et nur nit su nen Bessem wör. Esch benn an et Stina su lang alt jewennt, et hät Fahle vill mieh wie mr bruch. Singe Vatter vermahden mir per Testament, singen Job un domet nit...

Feurio! Mit Dank an Herrn von Dingelstedt „Alarm! Alarm! Beim Minister – et brennt!! Kutt flögg met Emmer un Spretze, beim huhe Här, dän jedereen kennt, lot jonn un maht kenn Wetze.“ „Heeh, Jries, wat brölls de su en der Hüh? Bess de voll – oder bess de van Senne?“ „Nä, esch soch am Finster, nen Püngel Strüh, rude Flämmscher medden drenne.“ „Jangk, mach desch heem, du versoffene Stropp, verkummene Exestenz.“ – „Pardong, Här Minister, dä soch üren Kopp un de Nas van...

Dr Nähtswäschter Franz von Dingelstedt mit Dank und Verehrung fürs Voräffen Frau, dunn mr et Wöbche met däm Logo van usem Dörp – esch muss jitz weg. Esch koof mr ungerwäjs nen To go un pröff mr spöder nen Big Mäck. Schleeß alles avv, dat se nix stelle, un stopp se en et Bett, die Blare – ich muss jitz jonn un dauernd brölle: Höht, Ür Häre, loht ösch sare. Ür dürft en öre Keste ratze un wat esch roof, ess ösch ejal, de Uhrzigg deht ösch och nit kratze, nä, ösch kratz jarnix, klore Fall. Treckt...

Et Mährsche vam Ritter Blaubaht L. Bechstein Et wor ens nen jewaltijen Ritter, dä wor bökerisch an Jeild un Joot un lävden en singem Mott wie Jott en Frankreich. Singen Baht wor blau, drömswelle heeschden hä üvverall dr Blaubaht, ovschun hä angesch jedööf wor, ävver singen Chrestename weeß kee Minsch mieh. Hä hadden alt e paar mol jehierot, ävver mr verzohl sesch, dat all sing Fraue flögg hengereen veriewisch wohde wore, ohne dat mr sare künnt, wodran se jeledden hädde. Su wor dr Blaubaht ens...