Kleine Familiengeschichte "Op Platt!"

Op de Buurenhorf, beij minn Groteldersch, soate weij all an de Kökesdösch beij et Owendäten. Et gow Brockepapp! Et wor all et Owendgebäjt gesproke als de Kökesdür opging on de Norber riep: "De Pogge, de Pogge lope all op de Stroat!" Gau opgespronge, de Mötz op de Kopp, on weij liepe op den Hoaf öm te kieke, wat tu doarn ös. De ganze Familli verdeelte sech öm de Pogge wer beeijn te driewe. Ek stohn an de Messhoop on wolden so en Soog in de Stall driewe, dat alde Färken kohm op mech tu, liep mech töschen de Beijn, on dor soat ek ok all op de Röck van dat Dier. Äwel nur ne körte Moment, dor loog ek all in de Mestekull. Dat Pock liep wer gau denewen on ek hat ma de ganze Melm an de Klier, de Kont on in et Geseech. Gau noam min Grotmoder mech met inde Spölkök an de Pomp on hät mech in de grote Spölback gestoke on afgeschrubb´. Et hät all ne Tieht gedührt, bes de Pogge wer in de Stall worre on weij wer in de Köök an den Dösch soate. Nau wor de Brockepapp nit nur kaald, se wor ok ma van de Katte halw opgefräte. Min Tant hauden gau en paar Eier in de Pann, deij wat Speck dorbeij, en Schneij Weck met guje Botter bestreeke on en groote Kann Tee op den Döösch. Nur ek, ganz aleen, ek soat met et Äte in den Eck on heb vör mech hen gestonke. Grotmoder hät mech nor et Owendäte noch enz met Keernseep ganz afgeschrubb´.