Weihnachtserklärung auf Schwäbisch!
Desch isch Weihnachda!
Durch d´Stadt hetza
und in letschder Minut
G´schenkla kaufa für Leut,
dia sowieso scho alles hend:
Des isch Weihnachda!
"Oh du fröhliche" aus em Lautsprecher,
Girlanda en dr Fußgängerzone,
Nikläus an alle Ecka,
lebendige ond solche aus Schoklad:
Des isch net Weihnachda!
Werbeg´schenkla verdoila,
aufs Weihnachtsgeld warda,
noch Teneriffa fliaga
ond "Oh Tannenbaum" unter Palma senga:
Des isch net Weihnachda!
Aber wenn´s em ganza Haus schmeckt,
noch Zimt ond Bredla ond ausblosene Kerza,
wenn d´Kender Weihnachtsliader spielet,
au wenn´s a bissle falsch klengt:
Des isch Weihnachda!
Wenn en dr Kirch "Stille Nacht" g´songa wird,
dass dr ganz feierlich zmuat wird,
ond wenn de erschde Schneeflocka kommsch:
Des isch Weihnachda!
Wenn du woisch,
dass dir´s guat goht ond deiner Familie au,
ond wenn da doch d´andre net vergisch,
dias net so guat hend wia du:
Des isch Weihnachda!
Unbekannter Verfasser
Autor:Fritz van Rechtern aus Neukirchen-Vluyn |
4 Kommentare
Sie möchten kommentieren?
Sie möchten zur Diskussion beitragen? Melden Sie sich an, um Kommentare zu verfassen.