Et kütt wie et kütt

Als widder wor vell vörjekomme,
wat mr hät us de Ziedong vernomme...

Füxkebier jetz och en de Blechbüx,
sahrens aan - es dat denn nix?
Et Büxepangk kritt mer als retuur,
doför jüvtet wenjer Scherwespur.

Ons Drenkwasser hät jode Qualität,
dröm em Rothuus jetz jefordert wöhd,
mr sollten mieh Drenkbronne opstelle,
öm so em Sommer dr Doosch ze stille.
Nur en de Flehe on owe en Stockum
reicht jo nit för et janze Publikum.
Radler, Jogger on och all de Alde
wöhde em Sommer vell dovon halde.

Dä "Kö-Bogen" kritt en piekfein Ömfeld,
et wohden vörnehm Behälter opjestellt.
Die, wo mr sonst als Müllemmer kenne,
dont se Abfallbehälter "Tara" nenne.
De Leuchte "City Elements" als Latitsch
es hoffendlech am Eng och kinne Kitsch.
Halv fädisch kammer dr Boore als sin,
also jommer flöck demnäxt mol dohin.

Ons Wälder - janze acht an dr Zahl -
hant als jekritt, dat zom dridde Mol,
et "FSC-Prüfsiejel" - simmer mol stolz
op ons Stadtwaldung us echtem Holz!

Dat Hetjens-Musejum hät Jottseidank
jetz noch vell mieh Tasse em Schrank.
Et send Raritäte us Meißner Porzelling,
do wo fröher manch Omma draan hing.

Ene Zaun es ne Zaun, sozesare,
äwer dä am Rhing schläht op dr Mare.
Wenn dä nit fottkütt flöck op dr Stell,
kriech ich dodröwer noch dr Pimpernell.
Dat fiese Monstrum es als echt schenant -
op dat neuje "Modell" simmer jespannt.

Fröher wor Schrott einfach nur Schrott,
mer bruchten et nimmieh, schmisset fott.
Hüttzedaach klaue janz jemeine Lütt
als Schrott, wat denne en de Fenger kütt.
Jeklaut wöhd derziet en ons Stadt öwerall,
Hauptsach för denne, et es us Metall.
Nit nur op de Kerkhöff, och op dr Strooß,
do schruwe se jetz de Jullideckels loss.

Op so en fiese Aaht sech jet ze nähme,
doför sollten sech de Klauer jet schäme!
De Janowe, die all dat hant jestohle,
die sollten op dr Stell dr Düwel hole!!!

On jetz es all dat us minne Kappe erus,
dröm mach ich för hütt flöck emol Schluss.

B. Bo. / 27. Feb. 2012