Et kütt wie et kütt

Eijentlich kütt em Novembr vell Wengk,
dat wor als emmr däm sin Deng,
dat wat mer och Störm nenne däht.
De Störm sen äwer eesch jetz jekomme,
"Eckhard" / "Friedhelm" hammer vernomme,
och "Joachim" zeichte sin Kwalität.

Alleen dr Rhing konnt sech dröwer freuje,
denn dr Räje däht dä Pejel orop deuje,
dröm hät dat Wäder als sinne Sinn.
On och Ömsätz met de Paraplü's
jont dodörch janz flöck en de Höh,
et kütt als mieh Zaster erin.

Ons Fortuna hät jetz kin Schulde mieh,
dänne däht so flöck nix mieh wieh,
ons brave Jongs hantet och verdent.
Enä - es dat schön, sojet ze läse,
wo vell fies hämisch wore jewäse
on hütt jewess neidisch send.

Dä Euro hammer jetz als zehn Johr,
dä wo för manch Lütt dr Teuro wor,
Minsche send Jewohnheitsdiere.
All de neuje Schings, all de Cents
kennt längst bei ons fast jede Pänz,
dont se dat zoeesch als liiere?

Von "Düsseldorfer 2011" wör ze nenne,
dä wo bei ons jewess vell kenne:
dä brave Broder Matthäus.
He hät "fifty-fifty" erusjebracht,
dobei aan de ärme Lütt jedacht,
die wo hant kin eijen Zehuus.

Dörch de Ziedong hammert vernomme:
dä "U-Dachs" es jetz aanjekomme,
de Wöhlerei höht endlich op.
Äwer et es längst nit sowiet,
de Bauerei bruch vell Johr Ziet -
dann wahde mer jeduldich drop.

Dat woret för hütt - Adschüss leve Lütt!
^^^^^^^^^^^^^^^^^^^^^^^^^^^^^^^^
Hoffentlich sehen die "Schreiberlinge" aus den
heimatlichen Gruppen mein "Schreiben auf Platt"
in etwa auch als "Lektionen" an, damit unsere Mundart
hierdurch gepflegt wird. Denn - mer Alde send och nit
ewich op dr Welt.

B. Bo. / 18. Dez. 2011