Am Rhein zu Haus - Monnemer Platt
4Bilder
- hochgeladen von Paul Scharrenbroich
Kengk vam Rhing
Wat fengen de Lück bloß su schön am Rhing
wo die Trümmere all stonn‘,
wat muss ene usjewahßene Minsch
zefoß op dr Drachefels jonn?
Am beste jefällt mr dr Rhing hie bei us,
tösche Wigge un Belse un Jrass,
su löstech wie op dr Nüdsteens Mur
es et nit en dr Drosseljass,
am Wäthhus, wo mr sech an de Botz
manch jröne Flecke jehollt,
om Damm, wo mr met de Fründe jeschwadt,
wie et spöder ens wähde sollt,
em Loch, wo mr en dr Summernäht
Hand en Hand durch et Für jespronge,
un op dr Krebb, wo mr met dr Jittar
die ahle Leeder jesonge.
Loß dä Angere doch ir Rüdesheim,
Loreley un all dat Jedöns –
tösche Heelerberch un dr Müllekuhl –
do es dr Rhing et schöns.
Autor:Paul Scharrenbroich aus Monheim am Rhein |
5 Kommentare
Sie möchten kommentieren?
Sie möchten zur Diskussion beitragen? Melden Sie sich an, um Kommentare zu verfassen.