Monnemer Jänseliesje
- hochgeladen von Paul Scharrenbroich
Metamorphose
O’m Wappe vam ahle Aschebroch,
do wor et Jänseliesel noch
e richtich deftich Bureweet
met allem do, wo’t hinjehöht.
E Beld, wat jedereen bejriev,
en jruße Schnüss un Enger am Liev,
en staatse Mamm – koht usjedröck:
e Minsch vam Stöck.
Am Rothus stung dann op nem Podess
et Lieselche wie en Prinzess,
jet fing jeknöch, e bessje petitt,
wie et dat och em Läve jütt.
Un jeder, dä dat Beldche soch,
hatt Spass an im, dat es kenn Froch,
un hät wall stell för sech jelaach:
e lecker Blaach.
Dann wohd et Rothuscenter jebaut –
janz Monnem hät sech do jefraut.
Woröm nohm sech dä Bauhär nur
kenn angere Symbolfijur?
Da Halvjehang do op dr Wand!
Dodran kritt jo kee Minsch Verstand;
Et es, wie ech van Anfang fung
e Unfazzung
Autor:Paul Scharrenbroich aus Monheim am Rhein |
9 Kommentare
Sie möchten kommentieren?
Sie möchten zur Diskussion beitragen? Melden Sie sich an, um Kommentare zu verfassen.