Muttertag op Monnemer Platt
- hochgeladen von Paul Scharrenbroich
För dr "Muttertag"
Et kleene Annche kom van dr Stroß
un leef bei de Mamm en de Köch,
die jrad bem Äpelschälle soß,
un et satz sech op dr Dösch.
Et freimbten un dröckden jet eröm
un de Mamm wor alt jespannt,
wat jitz widder för e Stöckche köm,
ävver dat hatt se nit jekannt:
"Ech jonn bereets op de drückzehn an,
un alle Pänz, die ech kenne,
die fangen jitz ir Eldere an
bem Vürname ze nenne.
Mir saren Heinz-Peter för dr Kaplon
för de Liehrerin Wilhelmine,
un wann ech en de Reithall jonn
heesch de Tränerin Sabine."
De Mamm hatt em eeschten Orebleck
nen öhntlijjen Schrecke kräje,
dann säht se: "Kengk, du bess jo jeck,
do han ech doch nüx jäje.
Minge Vürname, dä es Sibill',
du wehds en jo wal kenne,
un litt dr dodran jar esu vill,
kanns de mech och esu nenne.
Nur, ieh de dech do dran jewänns,
jäv ech dr zo bedenke,
dat du dech eenes Dares ens
nit drömswelle salls kränke:
Et jütt Träner un Liehrer en Million,
et jütt se jruß un kleen,
henger jeder Kirchepohz nen Kaplon ---
en M u t t e r häs' de nur een."
Autor:Paul Scharrenbroich aus Monheim am Rhein |
21 Kommentare
Sie möchten kommentieren?
Sie möchten zur Diskussion beitragen? Melden Sie sich an, um Kommentare zu verfassen.