Gedicht zum Geburtstag
Röckbleck - Rückblick

2Bilder

Röckbleck

Et ös doch koamisch met däm Auler,
wämme eas tehn ös, on noch em Blaach,
dann chlöiv me, dat dat Auler
soa met Twentich loas choon maach.

Ös me dann merr sselwes twentich
on mack ouk nömmer soavöl Fitte,
dann me-int me, dat me ssich met dattich
köös all op dän Sperrmüll schmiete.

Met dattich ös me dann doch schlauer
on van däm Leewe met chenohme.
Me heet dann dän Bechinn van’t Auler
soa op die Vertich hen verschoowe.

Met vertich kömp me dann doch an't Dinke,
on me dink sech, leewen Chott,
eas met fiftich bösse aul,
eas met fiftich bösse Schrott.

Ös me fiftich dann chewoode
on me ös noch so vol Schwong,
fährt noch Fahrad, wandert, ke-ichelt,
dann chlöivste, dou bliefs eawig jong.

Ssäästich Joore sinn en Laas,
di me met Verstaud mot siin.
Me löt sech ouk ni ounerkreege,
denn dat Leewe ös noch schöan.

De-it et ene Knöök dann knacke
on die Seewentech sinn do,
Pien en Aame, Be-in on Nacke,
dann denk me sech: „Wat kömp donoh?

Aul, dat maake nee die Joore,
aul ös, wän dän Muut verliirt,
aul ös, wän dän Kopp lött hange
on sech för nicks meah entressiirt.

Wän morges fröh de-it fröhlech laache,
of et he-it dann ös of kaul,
be-i Regenweer ke-in Schnuut de-it trecke,
dä wäd ouk hounet Joore aul.

Wän dat Chedechsken heet chemack, dat woar bestemp ke-in Knöterssack.

Gefällt 0 mal0

Autor: