Mundartlich-deftige Büttenrede zum Thema Flatulenz

"Zeitenwende" be-im Puupe?

„Chutt freete un chutt ssuupe, langsam choon un döchtich puupe!“

Jo, die aule Mölmsche, die häwwe noch völl sselwes chemack, vandaach heet me föar aals un jedet en Äpp: Schohn aantrecke, in de Naas piddele, Schloot aanmaake, Breefmarke lecke.
Merr, dou kass et ouk bestelle, be-i Amma un öaren Ssohn, dän Ammassohn: Kasse de-i äwwer ouk en Dochter bestelle, kle-ine un chroate Ke-iner, echal wat föar‘n Auler, bruk’sche neemeah sselwes te maake, heesse Tied un Möh chespart, kasse leewer met de Äpps in de Naas piddele, Schloot aanmaake, Breefmaake lecke unssoafott, unssoafott … Jo, tuchecheewen, Naas piddele mem Handy ös wat schwoar, merr met däm nöie Aaafdä-it chohn die Bullemöiskes flott aaf. Met günstige Intelligenz!

Ick we-it charnee, wie ick do jitz drop kumm, … jo, jitz häpp ick et wi-er: Ick woul ink jo e-ichentlich wat vam Puupe vertelle. Jo! Do woul ick chister ees kieke, off dat velle-ichs ouk all em Puup-Äpp chiff. Chemäcklich, die chiffet! Puupe ees Klingeltoon föar‘t Händy, ouk in Kombinatschion met en Pieptoon. (mit Mund nachmachen)
Jo, do löttsche de-i e-ifach van dinne Fröinde aanroope, un dou che-ihs nee draan, dann hesse waal dolle Puup-Minütte.

Et chiff’ äwwer nicks öwwer’t Sselwesmaake!

Merr nohdäm dat dat in de lääste Johren met däm körpere-igene Trööte ömmer aanstrengender woad, un ick me-i all dökkeser ouk mol fies verdoon häpp, do hadden ick me-i jo all vöar inniger Tied vam Dokter Puupköösse verschriewe loote.
Wenn dou Bessök hees, dann ös dat waal en herrliche Ssaake. Merr wat ssall dat, wenn de alle-in bös un mutts ömmer op dä Köösse römhoppe? Nä, dat che-iht innet Krütz, dat macksche fäädich. Do machse dat leewer all wi-er sselwes doon.

Off, dou hees en Fernbedenung, do kasse de-i ni-erlegge, un wat ssall ick ink sseggen, dat chiffet, jo, jo!

Ick had me-i lang nee meah op däm „Furzersatzmittelmarkt“ ömchekeeken. Potzdusend! Et wäd jo dükkeser cheschaule: Dütschlaund wöar be-i de Digitalisierung aan de lääste Stell, noch achter Taka-Tuka-Laund.

Merr im Puupmeddelmark, do heet sech chewäulich wat chedoon!
Do che-iht äwwer die Poss aaf! Oho!
Tum Be-ispell dä „ferngesteuerte“ bruune Schiethoupen met dre-ihounetssäästich Chrad Puup-Sound ees Chrisdaachs-Cheschenk föar Jung un Aul!

Un en Houpen aunere Puupmaschine töschen fiif Euro un dattich Euro. Innige kaase em Sound verainere chanz noh dinnen individellen Cheschmack, jo, me we-it jo,jede Puup ös aunes - äwwer ömmer met Fernbedenung, do kasse de-i ni-erlegge un bruuks nee op en Köösse hoppe un de-i dän kapotte Rögge noch widder kapott maake.

Jo, do köin me chlatt en Influenzer dodoföar wäde, do kreeg ick soan Dingen dodoföar ömssöös!

Un hie en Tipp föar dän Bessöök be-i de kle-in Inkelkes. Ick häpp et be-i de Literaturtipps chelease!

Bekiek’sche, wat hie cheschreewen ste-iht: „Ab drei Jahren: Furzipups, der Knatterdrache: Zum Vorlesen und Pups-Seiten zum Mitmachen!“

Jo, do häpp ick me-i föar use Blaage chefröit, denn: Selws-chemackdet mack’sche Fröid! Met „erneuerbare“ Energie doar Erte, Boane, Linse. Vegan Puupe! Äwwer nohhaulich! Häpp ick chedaach!
Merr wat ös dat Highlight in däm Furzipups-Book? En Puupknopp tum Dröcke föar die kle-in Stuppstättsche met öare kle-in Patschhainsche!

Jo, soa ös de modäne Wält! Aals met Batterie! We-i häwwe sselws die Imitatschone vam Puupe sselwes chemack, met der Muule, op en Arm chebloose off ounerm Arm chequetsch!

Nee, un wat woare we-i fröher froah, wemme sech puupssatt chefreeten had un oddentlich wat op Lager had - Hehe…

Merr et chiff’t waal Situatschone im Leewe, dat mutt ick tucheewe, do heet et däm Puuper schwoar.
Un do wöar et öm etleews, wemme sinnen Puup nee höare köin.

Un dodoföar chiffet die Waunel - Äpp: Die waunelt dän Puup, chlicks wenn he soa ewes aa’fängk te bloose rubbelemies met en Hölp vanne künzliche Intelligenz in en Handyklingelton öm. Wie dat?

Stell’sches vöar, dou ssitts mit soan Pöppken be-im Candlelight-Dinner. Un dann passeet de-i met e-imol ssoan „Malörken“. Dann bösse ees Puupenkääl fe-in eruut, hehe, un kass nix doföar, dat die Kääze velle-ichs noh wat flackere doon un dat Eete en aunere Chemack aa‘nimmp. Denn, opchepaass, dat Pöppken höat bloas en Ton vannem Handy ( mh, mh, mh). Un do ste-iht dä Puupemann e-ifach op un sseet föar sin Pöppken: „Chem, Enschöiligung, dat ös en wechtigen Aanrop, ick kumm chlicks retour!“

Ömchekehrt klingk dä Vibriertoon (mh, mh, mh) vannem Handy vandaach ouk nee völl aunes ees em Puupe duar en dicke Matratze. Innige me-inen ouk, dat Huuphuuphuup klingk, ees wenn sech ömmes dat volle Muul tuhöilt, weil wat eruut will.

Ssoan Vibratschoontoon kamme met em bettsche Übung ouk oahne Waunel-Äpp sselwes nohmaake, heet me-i soan chanz chewieftem Puuper verroo-e. Jo, dä wooß ouk wie me em Puup naachs tum Lööchte bringe koos.

Helau un Alaaf!!!

Büttenmarsch